سبحان الكون بقلم الشاعرة رابية الأحمد

سبحان  الكون العيون
سودا ياعتمة   كانون
وحلاهن بين  الرمشين
صفيت بحبن   مفتون

مارق من  قدام  البيت
شفتا ودعوتها  لبيت
وشوقي مافيي خبيت
وقلبي ع حسابا مرهون

خصرا  ياعود الريحان
ومشيتها متل الغزلان
حبيتا    لكن    خجلان
ماتظن  بحبا    مجنون

بمشيتها   عم    تدلع
وقلبي  بهواها   تولع
من ارضو رح   يتشلع
وحدا  ع قلبي     بتمون

جمال  و محلا  هالطول
ع كتافا الشعر المجدول
قلبي  بهواها  مشغول
وخايف من اهلا يدرون