وصل الشهيد بقلم الشاعر شمس الدين سعيد

*******  وصل الشهيد  *******

القصيدة الفائزة بمسابقة ملتقى البيادر بتاريخ 6/2/2021

وصل  الشهيد  ياصبايا   زغردو
احلى عريس جايي على مرقدو
شباب الحي شيلو على  كتافكم
يللي بدمو تراب  الوطن  عمدو

وصل الشيهد جنبو خوذه وباروده
واكليل الغار فوقو مزين بورودي
مايحمي الدار  الا رجالا الاسودي
يوم  الوغى   عالمنايا     تمردوا

بعرس الشهيد يللي ضحى  بدمو
جينا سوى وكل  محبينو    التمو
واجبنا  نكون  مع   بيو     وامو
وبقلوب الكل يعلا اسمو ومقعدو

دم  الشهيد مسك معطرلو تيابو
لاجل الوطن قدم  زهوة  شبابو
هيكي الرجال يوم الوغا مايهابو
جيوش العدا والشهاده   تعودو

غطو الشهيد  بالعلم  ع  جثمانو
احمر اخضر ابيض ماحلا  الوانو
ابن الوطن  صار بقوة    ايمانو
اهل الجنه   منو   عم   يتوددو

صوت الشهيد بالسما عم ينادي
صونو اهلي وعلورايات  بلادي
تراب الوطن ردو عنوا الاعادي
يحي الوطن علو الصوت ورددو

تراب الوطن مجبول بدم  رجالو
يوم الوغا الروح بترخص كرمالو
مزروع رجال فوق سهولو وجبالو
بعزم  وايمان دحرو  يللي  هددو

شمس الدين سعيد 10/2/2021