ليلي ليل .. يا عيني يا ليلي بقلم الشاعر الصافي أبوعمار
ليلي ليل .. ياعيني
... يا ليلي
أول كلامي ها اسمي
وازيد في مدحك نبينا
اسمع كلامي يا عمي
ولكل شيء راح نبينا
ليلي ليل .. يا عيني
يا ليلي
تريها الدراهم بتشفع
وتمسح م الاصل العكارة
وحياتنا سيما ومسرح
والسبع خاف م الحمارة
ليلي ليل .. يا عيني
يا ليلي
ما تخافي يا مه وشالك
طاهر ما حد يدوسه
وان مره واحد وشالك
ارميه وارمي فلوسه
ليلي ليل .. يا عيني
يا ليلي
وزمنا زمن الكمايم
والموت ع الكل ماشي
نمنا والندل قايم
للجلد جر النماشي
ليلي ليل .. يا عيني
يا ليلي
مجروح وجرحي دا مدى
وقعت من ايدي المحابس
صابر وصبري بمده
والمادة تفدي المحابس
ليلي ليل .. يا عيني
يا ليلي
م كفايه ظلمك دا باغي
ولا مره جيتي في صفي
ولولد الهوامل تناغي
ولدمي ماصه وتصفي
ليلي ليل .. يا عيني
يا ليلي
وحياة جمالك وعرضي
وكلاب م ليها ممالك
سارقه ليه قوتي وأرضي
واصبحت فيكي ممالك
ليلي ليل .. يا عيني
يا ليلي
فاتورة المعيشة دي صعبه
ولا عادش لينا نوايب
والعملة سهله وصعبه
سكنت جيوب النوايب
ليلي ليل .. يا عيني
يا ليلي
واتغطى ليلي بجلدي
وراحوا فين عنا الحبايب
ما اترق وارحم بجلدي
ما طفحت بجلدي الحبايب
ليلي ليل .. ياعيني
يا ليلي
خايفين ليه م الكورونا
دا العمر والرب واحد
ولو متنا ابقوا اذكرونا
وبينكم م يكونش جاحد
ليلي ليل .. يا عيني
يا ليلي
واول كلامي صلاتي
واخر كلامي سلامي
اوعى وصونها صلاتي
ورد عليا سلامي
ليلي ليل .. يا عيني
يا ليلي
تعليقات
إرسال تعليق