قالت بقلم الشاعر شاهين حزام
قالت تفضل وش تبي يا معاليك
قلت الصراحة ما أبي غير فرقاك
الوضع حولي مختلف عن حواليك
في كل ساعه وين رايح متى جاك
قالت تمهل شوفني بين اياديك
أموت واحيا في ابتسامة محياك
وتعرف بأني في حياتي مُواليك
بالله قل لي كيف انا أقدر أنساك
قلت الحقيقة كل شي أعشقه فيك
وافهم كلامك قبل تنطق شفاياك
واعرف بأني قبل ذا كنت غاليك
وانت الغلا لا مر طيفك وذكراك
قالت كلامك مختلف عن مساعيك
وكم قلت قلل يالغلا من هداياك
ما كنت مره واحده من غواليك
وماكان لي القدرة أمرك وانهاك
قلت اسمعيني دام إنّي مصافيك
واستحملك لاقمت تذكر مزاياك
ياذي البنية إفهمي الله يخليك
وكم شخص غيري في حياته تمناك
قالت بكيفك يا أمير الصعاليك
وحاول تكفر عن ذنوبي وخطاياك
حاربت أهلي كلهم وقلت أشريك
ماهو عشان تقول ودي بفرقاك
قلت السموحه والعفو من معاليك
أنسى الخلايق كلها دون ما انساك
أنتِ الحبيبة وجعل ربي يعافيك
وش هي حروفي من قبل لا تهجاك
تعليقات
إرسال تعليق